தொழில்நுட்ப பரீட்சை தொடர்பில் க.பொ.த உயர்தர மாணவர்களுக்கு வெளியான விசேட அறிவித்தல்!
கல்விப் பொதுத் தராதர உயர்தர மாணவர்களுக்கான பொதுத்தகவல் தொழில்நுட்பப்பரீட்சை இலங்கை முழுவதும் உள்ள 3,269 நிலையங்களில் மார்ச் மாதம் 18 ஆம் திகதி காலை 9.00 மணி முதல் மதியம் 12.10 மணி வரை நடைபெறும் என பரீட்சைகள் ஆணையாளர் நாயகம் அமித் ஜயசுந்தர தெரிவித்துள்ளார்.
பரீட்சைக்கு தோற்றவுள்ள அனைத்து பரீட்சார்த்திகளுக்கான அனுமதி அட்டைகளையும் தனிப்பட்ட முறையில் பதிவிறக்கம் செய்ய முடியாது எனவும், அதற்கான பணிகளை பாடசாலைகளே மேற்கொள்ள வேண்டும் எனவும் பரீட்சை ஆணையாளர் தெரிவித்துள்ளார்.
மேலும், விண்ணப்பதாரர்களின் பெயர், ஊடகம், தேசிய அடையாள அட்டை எண், பெண்/ஆண் ஆகிய திருத்தங்கள் அதிபர்களின் ஆதரவுடன் அதே இணையதளம் மூலம் செய்யப்பட வேண்டும்.
இதேவேளை, உரிய திருத்தங்கள் எதிர்வரும் மார்ச் 12 ஆம் திகதி நள்ளிரவு நிறைவடையும் எனவும், மீளாய்வு திகதிகள் மீண்டும் நீடிக்கப்பட மாட்டாது எனவும் பரீட்சை ஆணையாளர் தெரிவித்துள்ளார்.
