ரயிலில் மீட்கப்பட்ட 10 நாட்களேயான சிசு!

கொழும்பு – கோட்டை தொடரூந்து நிலையத்தில் நிறுத்தி வைக்கப்பட்டிருந்த தொடரூந்தில் இருந்து பிறந்து 10 நாட்களேயான சிசு ஒன்று மீட்கப்பட்டுள்ளது.

குறித்த சிசுவை தொடரூந்தில் கைவிட்டுச் சென்றவரைக் கண்டறிய மேலதிக விசாரணைகள் முன்னெடுக்கப்படுவதாக காவல்துறை தெரிவித்துள்ளது. கொழும்பு – கோட்டை முதல் மட்டக்களப்பு நோக்கி பயணிக்க இருந்த பாடுமீன் தொடரூந்தின் கழிப்பறையில் இருந்து கைவிடப்பட்டிருந்த நிலையில் குறித்த சிசு நேற்றிரவு மீட்கப்பட்டுள்ளது. பின்னர் குறித்த சிசு, சீமாட்டி ரிஜ்வே சிறார் வைத்தியசாலைக்கு சிகிச்சைக்காக கொண்டு செல்லப்பட்டுள்ளது.