சத்தான ராகி லட்டு: உங்கள் உடல் வலுவிற்கு ஒரு அருமையான உணவு!!

ராகி என்பது நம் பாரம்பரிய உணவுகளில் முக்கிய இடம் பிடிக்கும் ஒரு தானியம். இதில் கால்சியம், இரும்புச்சத்து, புரதச்சத்து, நார்ச்சத்து மற்றும் பல தாதுக்கள் நிறைந்துள்ளன. குறிப்பாக, இதில் நல்ல கொழுப்புகள் அதிகம் உள்ளன. இந்த சத்தான ராகியை கொண்டு நாம் சுவையான லட்டுகளை தயாரிக்கலாம். இந்த ராகி லட்டுகள் உடல் வலுவை அதிகரிக்கவும், நோய் எதிர்ப்பு சக்தியை மேம்படுத்தவும் உதவும்.

தேவையான பொருட்கள்:

• ராகி மாவு – 1/2 கப்
• வெல்லம் – 1/2 கப்
• நெய் – 1 டேபிள்ஸ்பூன்
• முந்திரி – 5
• கருப்பு எள் – 1 டேபிள்ஸ்பூன்
• உலர் திராட்சை – 1 டேபிள்ஸ்பூன்
• ஏலக்காய் தூள் – 1/4 டீஸ்பூன்
• சுக்குத்தூள் – 1/2 டீஸ்பூன்

ராகி லட்டு செய்முறை:

1. வெல்லப்பாகு தயாரித்தல்: ஒரு பாத்திரத்தில் சிறிதளவு தண்ணீர் ஊற்றி அதில் வெல்லத்தை கொட்டியாக பாகு காய்ச்சி எடுக்க வேண்டும். பிறகு இந்த வெல்லப்பாகை வடிகட்டி தனியாக எடுத்து வைத்துக் கொள்ளுங்கள்.
2. பொருட்களை வறுத்தல்: ஒரு சிறிய கடாயில் கருப்பு எள்ளை மிதமான தீயில் வைத்து வறுத்து எடுக்க வேண்டும். இதனை தொடர்ந்து அதே கடாயில் சிறிதளவு நெய் ஊற்றி அதில் பொடியாக நறுக்கிய முந்திரி மற்றும் உலர் திராட்சை சேர்த்து வறுத்துக் கொள்ள வேண்டும்.
3. ராகி மாவை வறுத்தல்: பின்னர் ராகி மாவையும் அதே கடாயில் சேர்த்து மிதமான தீயில் வாசனை வரும்வரை வறுத்து எடுக்க வேண்டும்.
4. லட்டு பிடித்தல்: வறுத்த ராகி மாவுடன் வெல்லப்பாகு, உலர் திராட்சை, கருப்பு எள், வறுத்த முந்திரி திராட்சை, ஏலக்காய் தூள் மற்றும் சுக்கு தூள் சேர்த்து நன்றாக கிளறவும். இறுதியாக சூடு ஆறியதும் லட்டாக பிடித்து வைத்தால் போதும் சுவையான ராகி லட்டு தயார்.

ராகி லட்டின் நன்மைகள்:

• உடல் வலு: ராகியில் உள்ள புரதம் மற்றும் கால்சியம் உடல் வலுவை அதிகரிக்க உதவும்.
• நோய் எதிர்ப்பு சக்தி: ராகியில் உள்ள ஆன்டிஆக்ஸிடன்ட்கள் நோய் எதிர்ப்பு சக்தியை மேம்படுத்தும்.
• செரிமானம்: ராகியில் உள்ள நார்ச்சத்து செரிமானத்தை சீராக வைத்திருக்கும்.
• எடை இழப்பு: ராகி நீண்ட நேரம் பசி எடுக்காது. இது எடை இழப்புக்கு உதவும்.
• சரும ஆரோக்கியம்: ராகியில் உள்ள வைட்டமின்கள் சருமத்தை பொலிவாக வைத்திருக்கும்.

புதிய செய்திகளை உடனுக்குடன் தெரிந்து கொள்ள

எங்களுடைய Android App தரவிறக்கம் செய்ய இங்கே கிளிக் செய்யுங்கள்

எங்களுடைய Apple store இல் செயலியை தரவிறக்கம் செய்ய இங்கே கிளிக் செய்யுங்கள்

மேலும் WhatsApp சேனல் மூலம் தகவல்களை அறிந்து கொள்ள இங்கே கிளிக் செய்யுங்கள்.