2046 ஆம் ஆண்டு காதலர் தினத்தன்று பைசா சாய்ந்த கோபுரத்தின் அளவுள்ள நகரத்தை அழிக்கும் சிறுகோள் பூமியைத் தாக்கக்கூடும் என்று நாசா எச்சரித்துள்ளது. அந்த சிறுகோள் பூமியில் எங்கு விழும் என்பது இன்னும் தெரியவில்லை. 2023 பெப்ரவரி 28 ஆம் திகதி இது உறுதிப்படுத்தப்பட்டது. எனினும் கணிக்கப்பட்ட தாக்க மண்டலங்கள், இந்தியப் பெருங்கடலில் இருந்து பசிபிக் பெருங்கடல் மற்றும் மேற்கிலிருந்து அமெரிக்காவின் கிழக்கு கடற்கரை வரை நீண்டுள்ளது. இதன்படி 2046, பெப்ரவரி 14 அன்று மாலை 4:44 மணிக்கு இந்த தாக்கம் ஏற்படுவதற்கான ஏதுக்கள் உள்ளன. 165-அடி கொண்ட 2023 DW என்று பெயரிடப்பட்டுள்ள இந்த சிறுகோள், பூமியுடன் மோதுவது 114 ஆண்டுகளுக்கு முன்பு சைபீரியாவில் மோதிய துங்குஸ்கா 12-மெகாடன் நிகழ்வுடன் ஒப்பிடப்பட்டுள்ளது. இந்த 160-அடி சிறுகோள் ஒரு அணு வெடிப்பை போன்ற தாக்கத்தை ஏற்படுத்தியது. இதன்போது ஏற்பட்ட தாக்கம் ஒரு பெரிய பெருநகரத்தை அழித்திருக்கும் திறனைக் கொண்டிருந்தது. எனினும் அது ஒரு காட்டில் வீழ்ந்தபோது, 80 மில்லியனுக்கும் அதிகமான மரங்கள் தரைமட்டமாகின. ‘இத்தகைய நிகழ்வுகள் சராசரியாக 100,000 ஆண்டுகளுக்கு ஒருமுறை நிகழ்வதாக நாசா கூறுகிறது.
