ஜாக்பாட் அடிக்க போகும் 3 ராசிக்காரர்கள்! இன்றைய ராசிபலன்

சோபகிருது வருடம் கார்த்திகை மாதம் 19 ஆம் தேதி செவ்வாய்க்கிழமை 5.12.2023 சந்திர பகவான் இன்று சிம்ம ராசியில் பயணம் செய்கிறார். இன்று முழுவதும் அஷ்டமி. இன்று அதிகாலை 01.18 வரை மகம். பின்னர் பூரம். அவிட்டம் நட்சத்திரத்தில் பிறந்தவர்களுக்கு சந்திராஷ்டமம். சற்று கவனமுடனும் எச்சரிக்கையுடனும் நடந்துகொள்வது அவசியம். மேஷம் முதல் மீனம் வரையுள்ள 12 ராசிக்காரர்களுக்கும் பலன்கள் எப்படி இருக்கிறது என்று பார்க்கலாம்.

மேஷம்
பல வழிகளில் பணம் வருவதற்கான பாதைகளைத் தேர்ந்தெடுப்பீர்கள். புதிய நட்புகளால் குடும்பத்தில் பிரச்சனையை சந்திப்பீர்கள். காதலியால் மன நிம்மதியை இழப்பீர்கள். எலக்ட்ரிக் சம்பந்தப்பட்ட வேலைகளை வீட்டில் பார்ப்பீர்கள். எடுத்தோம் கவிழ்த்தோம் என்று காரியம் செய்யாதீர்கள். ஏற்றுமதி இறக்குமதி தொழிலில் சிறிதளவு ஆதாயம் அடைவீர்கள்.

ரிஷபம்
தொழிலில் ஏற்பட்ட எதிர்ப்புகளை தூள் தூளாக்குவீர்கள். கமிஷன் வியாபாரத்தில் கணிசமான லாபம் பார்ப்பீர்கள். மனையிடம் வாங்குவீர்கள். புதிய வீட்டில் குடியேறுவீர்கள். குடும்பத்தில் சுப நிகழ்ச்சிகளை ஆர்வத்தோடு செய்து முடிப்பீர்கள். ஒருவருக்கொருவர் விட்டுக்கொடுத்துச் செல்வதன் மூலம் இல்லத்தில் சந்தோஷத்தை ஏற்படுத்துவீர்கள்.

மிதுனம்
ஏற்றமாக இருந்த வியாபாரத்தில் சின்ன சின்ன இடையூறுகளுக்கு ஆளாவீர்கள். வெளியூர் பயணங்களால் அலைச்சலில் அவதிப்படுவீர்கள். வெளிநாட்டில் இருந்து நல்ல செய்தியை பெறுவீர்கள். மற்றவர்களுக்கு உதவி செய்து மரியாதையை அதிகரிப்பீர்கள். சகோதர வகையில் பண உதவி செய்வீர்கள். நடக்கும் தொழிலை புதிய முயற்சிகளால் விரிவுபடுத்துவீர்கள்.

கடகம்
பொல்லாங்கு பேசுபவர்களால் மனப் பாதிப்படைவீர்கள். தொழில் துறைகளில் நிதானம் காட்டுவீர்கள். கூட்டுத் தொழிலில் எதிர்பார்த்த நன்மையை அடைய மாட்டீர்கள். அரசு ஊழியர்கள் நிதானத்தை இழக்காதீர்கள். ஒப்பந்த வேலைக்கான பணத்தைப் பெற சிரமப்படுவீர்கள். நியாயத்துக்குப் புறம்பாக நடக்காதீர்கள். அதனால் சில சிக்கல்களைச் சந்திப்பீர்கள்.

சிம்மம்
கணவன் மனைவி உறவில் நீடித்த சங்கடங்களை சந்தோசமாக பேசி சரி செய்வீர்கள். செய்த முதலீட்டில் உடனே வருமானம் வரும் என்று எதிர்பார்க்காதீர்கள். உறவினர் மத்தியில் உங்கள் செல்வாக்கு குறைவதை உணர்வீர்கள். போட்டி பந்தயங்களில் நஷ்டம் அடைவீர்கள். பொது இடங்களில் தேவையற்ற விவாதங்கள் செய்யாதீர்கள். காதலியை கஷ்டப்படுத்தாதீர்கள்

கன்னி
இக்கட்டான நேரத்தில் இல்லத்தரசி செய்யும் உதவியால் கடன் தொல்லையிலிருந்து மீள்வீர்கள். எல்ஐசி துறையில் உள்ளவர்கள் புதிய வாடிக்கையாளர்களை சேர்ப்பீர்கள். வீடு கட்ட வேண்டிய இடத்தில் இருந்த வில்லங்கத்தை தீர்ப்பீர்கள். அரசாங்க உதவியை தாராளமாக பெறுவீர்கள். முழங்கால் வலிக்கு மருத்துவம் பார்த்து நிவாரணம் காண்பீர்கள்.

துலாம்
மற்றவர்களுக்கு உதவி செய்வதில் மும்முரமாக இருப்பீர்கள். வெளி வட்டாரங்களில் செல்வாக்கையும் அந்தஸ்தையும் அதிகரிப்பீர்கள். பண வரவு அதிகமாக இருப்பதால் கடனை அடைத்து நிம்மதி பெறுவீர்கள். கவர்ச்சியாக பேசி காதலியின் மனதை கொள்ளை அடிப்பீர்கள். பைனான்ஸ், அடகுக்கடை, ஷேர் மார்க்கெட்டில் நல்ல லாபத்தை பெறுவீர்கள்.

விருச்சிகம்
கடினமான நெருக்கடிகளைக் கடந்து செல்வீர்கள். இதுவரை உடல்நிலையில் இருந்த பாதிப்பை மருத்துவ சிகிச்சை மூலம் சரி செய்வீர்கள். மார்க்கெட்டிங் தொழிலில் அலைச்சலால் உடல் சோர்வு அடைவீர்கள். வியாபாரத்தில் கணிசமான லாபம் கிடைப்பதால் அதை விரிவுபடுத்த எண்ணம் கொள்வீர்கள். தனியார் துறை, அரசு ஊழியர்கள் வருமானத்தை அதிகரிப்பீர்கள்.

தனுசு
உங்கள் புத்திசாலித்தனத்தால் வருமானத்தைப் பெருக்குவீர்கள். பணத்தின் மீது இருந்த மதிப்பை இப்போது உணர்ந்து கொள்வீர்கள். கொடுத்த வாக்குறுதியைக் காப்பாற்ற பாடுபடுவீர்கள். இடுப்பு வலி, மூட்டு வலி ஆகியவற்றால் பாதிப்பு அடைவீர்கள். தந்தைவழி உறவுகளால் சண்டை சச்சரவுகளை சந்திப்பீர்கள். சுயதொழிலில் உயர்ந்த நிலைக்கு செல்வீர்கள்.

மகரம்
கொடுக்கல் வாங்கல் விஷயத்தில் இருமடங்கு எச்சரிக்கையாக செயல்படுவீர்கள். வருமானத்திற்காக இடம் மாறி செல்வீர்கள். அனுசரித்து நடந்து மனைவியை மகிழ்ச்சிப்படுத்துவீர்கள். யாருக்காகவும் ஜாமீன் கையெழுத்துப் போடாதீர்கள். பயணங்களில் அதிக எச்சரிக்கையாக இருங்கள். சந்திராஷ்டம நாள். நிதானமாக நடந்து கொள்ளுங்கள்.

கும்பம்
சுவாசப் பிரச்சினையால் பாதிக்கப்பட்ட தந்தைக்கு மருத்துவச் செலவு செய்வீர்கள். மங்கல நிகழ்ச்சிகளுக்கான ஏற்பாடுகளை நடத்துவீர்கள். குலதெய்வ வழிபாட்டால் உடல் கோளாறுகளை சரிப்படுத்துவீர்கள். அரசுப் வேலையில் செல்வாக்கை அதிகரிப்பீர்கள். பயணங்களில் கவனமாகவும் நிதானமாகவும் செயல்படுவீர்கள். விபத்தில் சிறிய காயமடைவீர்கள்.

மீனம்
வியாபாரத்தில் இருந்த சின்னச் சின்ன சிக்கல்களை அகற்றுவீர்கள். சிறு வியாபாரிகள் நல்ல லாபம் அடைவீர்கள். பெட்டிக்கடை வைத்திருப்பவர்கள் கணிசமான பலன் பெறுவீர்கள். ஒர்க் ஷாப், எலக்ட்ரீசியன், கொத்தனாருக்கு தொடர்ந்து வேலை கிடைத்து புதிய ஒப்பந்தங்கள் போடுவீர்கள். அரசுத் துறையில் நல்ல ஒத்துழைப்பை அடைவீர்கள்.