புதன் பெயர்ச்சியால் தொழில் முன்னேற்றம் அடையும் ராசிக்காரர்கள்- இன்றைய ராசிபலன்!

மேஷம் வீரத்தை அணிகலனாகக் கொண்ட செவ்வாயை அதிபதியாகப் பெற்றுள்ள மேஷ ராசி அன்பர்களே… நவக்கிரக நாயகர்களின் முதல்வரான சூரியன் 8 ஆம் இடத்தில் இருக்கிறார். வருகின்ற பிரச்சனைகளை நிதானமாக எதிர்கொண்டு வெற்றி பெறுவீர்கள். மாணவர்கள் மேல் படிப்பிற்காக வெளிநாடு செல்வார்கள். அரசாங்க ஒப்பந்தக்காரர்கள் வேலைகளை நிறைவு செய்து புதிய ஒப்பந்தத்திற்காக விண்ணப்பம் செய்வார்கள். கலைத்துறையினர் வெளிநாடு சென்று தங்களுடைய திறமையை வெளிப்படுத்தி புகழ் அடைவார்கள். செவ்வாய் 8 ஆம் இடத்தில் இருப்பதால் எதையும் நிதானமாக செய்வது நல்லது. கொடுக்கல் வாங்கலில் மிக எச்சரிக்கையாக நடந்து கொள்ள வேண்டும். அனாவசியமாக கடன் வாங்காதீர்கள். பின்னர் அதை அடைக்க மிகவும் சிரமப்படுவீர்கள். புதன் 8 ஆம் இடத்தில் இருக்கிறார். கேதும் 6 ஆம் இடத்தில் இருக்கிறார்கள். திருமண வாய்ப்புகள் தள்ளிப் போகலாம். பெரியவர்கள் முயற்சியால் மீண்டும் கை கூடி வருவதற்கான வாய்ப்பு உண்டு. வீட்டில் மங்கள நிகழ்ச்சிகள் நடக்கும். அதற்காக அதிகம் செலவு செய்வீர்கள். குரு முதலாம் இடத்தில் இருக்கிறார். எதிர்பார்த்த அளவு பண வரவு இருக்காது. மேலும் அத்தியாவசிய செலவுகள் வந்து கையை கடிக்கும். சனி 11 ஆம் இடத்தில் இருக்கிறார். மனை இட விற்பனையில் உங்களுக்கு எதிர்பார்த்ததை விட அதிக லாபம் கிடைக்கும். ஆன்லைன் வர்த்தகங்களில் துணிந்து ஈடுபடலாம். சூதாட்டத்தில் இறங்காதீர்கள்.

ரிஷபம் கலைநயம் மிளிரும் சுக்கிரனை அதிபதியாகக் கொண்ட ரிஷபராசி அன்பர்களே…. சூரிய பகவான் உங்கள் ராசிக்கு 7 ஆம் இடத்தில் இருக்கிறார். வெளிநாட்டு பயணத்தை வெற்றிகரமாக முடித்து திரும்புவீர்கள். ஏற்றுமதி இறக்குமதி தொழிலில் அதிக கவனம் செலுத்துவீர்கள். உங்களை நம்பி முதலீடு செய்ய நண்பர்கள் காத்துக் கொண்டிருப்பார்கள். செவ்வாய் 7 ஆம் இடத்தில் இருக்கிறார். கணவன் மனைவி உறவு சற்று கசப்பாக இருக்கலாம். வெளியூர் பயணங்களால் குடும்பத்தை விட்டு சிறிது நாட்கள் பிரிந்து செல்ல வேண்டிய கட்டாயம் ஏற்படும். மனம் ஒருமித்த காதலர்கள் கூட சில புரியாத்தனங்களால் ஒருவருக்கொருவர் சண்டை இட்டுக் கொள்வர். போட்டி பந்தயங்களில் கவனம் செலுத்தாதீர்கள். வெளியூர் பயணங்கள் அலைச்சலை அதிகப்படுத்தும். கண்ட இடத்தில் சாப்பிட்டு வயிற்றை கெடுத்துக் கொள்ளாதீர்கள். குரு 12 ஆம் இடத்தில் இருக்கிறார். எதிர்பாராத வகையில் பண வரவு உண்டாகலாம்‌. தொழிலை நிதானமாக முன்னேற்ற பாதைக்கு அழைத்துச் செல்வீர்கள். சனி 10 ஆம் இடத்தில் இருக்கிறார். தந்தைக்கு உடல் நிலையில் பாதிப்பு உண்டாகும். நெருங்கிய உறவினர்கள் வீடுகளில் துக்க நிகழ்ச்சிகள் நடைபெறலாம். மாணவர்கள் மனதை அலைபாய விடாமல் படிப்பில் மட்டுமே கவனம் செலுத்த வேண்டும். அரசு ஊழியர்கள் திறமையை வெளிப்படுத்தி மேலதிகாரிகளின் பாராட்டை பெறுவார்கள். கேது 5 ஆம் இடத்தில் இருக்கிறார். பெரிய மனிதர்களின் சந்திப்பு உங்களுக்கு பக்கபலமாக அமையும். தர்ம காரியங்களில் ஈடுபடுவீர்கள். இல்லாதவர்களுக்கு உதவி செய்வதில் அதிக நாட்டம் கொள்வீர்கள். தொழிலுக்கு ஏற்படும் எதிர்ப்புகளை முறியடித்து வெற்றி பெறுவீர்கள்.17 ஆம் தேதி சந்திராஷ்டமம். விழிப்போடு செயல்படுங்கள்.

மிதுனம் எதிர்ப்புகளை புத்திசாலித்தனத்தால் முறியடிக்கும் புதனை அதிபதியாகக் கொண்ட மிதுன ராசி அன்பர்களே… சூரிய பகவான் உங்கள் ராசிக்கு 6 ஆம் இடத்தில் அமர்ந்திருக்கிறார். புதிய முதலீடுகளில் அதிக அக்கறை காட்டுவீர்கள். செய்யும் தொழிலில் முன்னேற்றம் அடைந்து பொருளாதார வரவு அதிகரிக்கும். செவ்வாய் 6 ஆம் இடத்தில் இருக்கிறார். வியாபாரிகள் வெற்றிகரமாக வியாபாரத்தை நடத்தி பணவரவை பெருக்குவார்கள். புதன் 6 ஆம் இடத்தில் இருக்கிறார்.வெளியூர் பயணம் செல்லும் நபர்கள் நல்ல பலனை காண்பார்கள். மருத்துவர்கள் புதிய சாதனை படைப்பார்கள். வழக்கறிஞர்கள் தங்கள் தொழிலில் வெற்றிக்கொடி நாட்டுவார்கள். ஐடி ஊழியர்களும் அமோகமான நன்மையை அடைவார்கள். வார மத்தியில் சிலருக்கு எதிர்பாராத செலவுகள் உண்டாகும். கருத்தொருமித்த காதலர்கள் மனம் விட்டு பேசி தங்களுடைய பழைய பிரச்சனையை தீர்த்துக் கொள்வார்கள். மாணவர்கள் புதிய கண்டுபிடிப்புகளை நிகழ்த்தி ஆசிரியர்களின் பாராட்டை பெறுவார்கள். பிள்ளைகளின் கல்விச் செலவுக்காக கடன் வாங்க வேண்டிய கட்டாயம் ஏற்படும். வீட்டை அலங்கரிக்க ஆடம்பரமாக செலவு செய்வீர்கள். நிலத்தில் முதலீடு செய்வது அதிக வருமானத்தை கொடுக்கும். கட்டுமான துறையில் அதிக கவனம் செலுத்தி வருமானத்தை அதிகரிப்பீர்கள். தொழில் காரணமாக அடிக்கடி வெளியூர் பயணங்கள் மேற்கொள்வீர்கள். வியாபாரத்தில் புதிய நுணுக்கங்களை புகுத்தி வாடிக்கையாளர்களை திருப்திப் படுத்துவீர்கள். குரு பதினோராம் இடத்தில் இருக்கிறார். தொழிலை நிலைப்படுத்த கூட்டு முயற்சியில் இறங்குவீர்கள். நண்பர்கள் தக்க சமயத்தில் உதவி செய்வார்கள். 18,19 ஆம் தேதிகளில் சந்திராஷ்டமம். விழிப்போடு செயல்படுங்கள்.

கடகம் வளர்ச்சிகளை சீராக அள்ளித் தருகின்ற சந்திரனை அதிபதியாகக் கொண்ட கடக ராசி அன்பர்களே… சூரிய பகவான் உங்கள் ராசிக்கு 5 ஆம் இடத்தில் அமர்ந்து இருக்கிறார். உங்களுக்காக ஒரு அற்புதமான வாய்ப்பு காத்துக் கொண்டிருக்கிறது. அதை நழுவ விடாதீர்கள். அரசு வேலையில் இருப்பவர்களுக்கு பதவி உயர்வு கிடைக்கும். மேலும் எதிர்பார்த்த இடத்திற்கு வேலை மாற்றம் ஏற்படுவதற்கான வாய்ப்பு உண்டு. வியாபாரத்தில் சின்ன சின்ன சிக்கல்கள் தோன்றும். ஆனால் அதை சாமர்த்தியமாக சமாளிப்பீர்கள். சகோதரர் வகையில் செலவுகள் ஏற்பட்டு கடன் வாங்க வேண்டிய நிலை உருவாகும். குடும்பச் சொத்தில் இருந்த வில்லங்கத்தை தீர்க்க கோர்ட் படிக்கட்டு ஏறுவீர்கள். தெரியாத தொழிலில் அதிகமான முதலீடு செய்ய வேண்டாம். வெளியூர் பயணங்களில் பணப் பையை பத்திரமாக வைத்திருங்கள். வண்டி வாகனங்களை நிறுத்தும் போது பூட்டி இருக்கிறதா என்று சரி பார்த்துக் கொள்ளுங்கள். தனியார் துறையில் வேலை பார்க்கும் ஊழியர்கள் உற்பத்தியை பெருக்குவதில் அக்கறை காட்ட வேண்டும். மேலும் உழைப்புக்கு தகுந்த ஊதியம் பெறுவீர்கள். குரு 10 ஆம் இடத்தில் இருக்கிறார். எதிர்பாராத இடத்திலிருந்து பணம் வரும். பழைய கடன்களை அடைத்து நிம்மதி பெருமூச்சு விடுவீர்கள். திருமண விஷயத்தில் இருந்த இடையூறுகள் விலகி இளம் வயதினருக்கு கல்யாணம் கைகூடிவரும். சனி 8 ஆம் இடத்தில் இருக்கிறார். வெளியூர் பயணங்களின் போது விழிப்போடு இருங்கள். அடுத்தவர் பேச்சை கேட்டு அகலக்கால் வைக்காதீர்கள். வெளியூரில் இருந்து நல்ல செய்தி வர தாமதமாகும். 20,21 ஆம் தேதிகளில் சந்திராஷ்டமம். எச்சரிக்கையாக இருங்கள்.

சிம்மம் அரசரைப் போல் கோலோச்சும் ஆற்றல்மிக்க சூரியனை அதிபதியாகக் கொண்ட சிம்ம ராசி அன்பர்களே… உங்கள் ராசிநாதன் 4 ஆம் வீட்டில் இருக்கிறார். தொழில் துறைக்கு குட்டி குட்டி பிரச்சனைகள் தோன்றி முட்டுக்கட்டை போடுவதற்கான வாய்ப்பு இருக்கிறது. நிதானமாக நடந்து துணிச்சலோடு அதையெல்லாம் தாண்டி வருவீர்கள். செவ்வாய் 4 ஆம் இடத்தில் இருக்கிறார். பொருளாதார நிலையை மேம்படுத்த இரவு பகலாக உழைப்பீர்கள். கணிசமான சேமிப்பை உயர்த்துவீர்கள். புதன் 4 ஆம் இடத்தில் இருக்கிறார். போட்டி பந்தயங்களில் இருந்து விலகி இருப்பது நல்லது. வியாபாரத்தில் நுணுக்கங்களை புகுத்துவீர்கள். சிறு வியாபாரிகள் நல்ல லாபம் அடைந்து வாங்கிய கடனை அடைப்பார்கள். விவசாயத்தில் புதிய முயற்சிகளில் இறங்குவீர்கள். தோப்பு குத்தகை மூலமாக வருமானம் பெருகும். குரு 9 ஆம் இடத்தில் இருக்கிறார். கணவன் மனைவியிடையே சில கசப்புணர்வுகளால் பேச்சுவார்த்தை நின்று போவதற்கான வாய்ப்பு உண்டு. சிலர் கோபப்பட்டு கணவனை பிரிந்து செல்லலாம். எந்த காரணத்தைக் கொண்டும் உங்களுடைய கருத்தை குடும்பத்தில் திணிக்காதீர்கள். சனி பகவான் 7 ஆம் இடத்தில் இருக்கிறார். கூட்டு தொழிலில் எச்சரிக்கையாக இருங்கள். பைனான்ஸ் தொழில் செய்பவர்கள் ஆள் பார்த்து பணம் கொடுப்பது நல்லது. மாமனார் வீட்டில் இருந்து வரவேண்டிய சொத்தில் வில்லங்கம் உண்டாகி பஞ்சாயத்து வரை செல்லக்கூடிய நிலை உருவாகும். கூடி வாழ்ந்தால் கோடி நன்மை என்று நீங்கள் நினைப்பீர்கள். அதை உறவினர்கள் புரிந்து கொள்ள மாட்டார்கள். கேது 3 ஆம் இடத்தில் இருக்கிறார். கூட இருந்து குழி பறிக்கும் எதிரிகளை அடையாளம் கண்டு அவற்றை முறியடிப்பீர்கள். 22,23 ஆம் தேதிகளில் சந்திராஷ்டமம். எச்சரிக்கையாக இருங்கள்.

கன்னி அறிவுத் திறனை அள்ளித்தரும் புதனை அதிபதியாகக் கொண்ட கன்னி ராசி அன்பர்களே… சூரியன் 3 ஆம் இடத்தில் அமர்ந்திருக்கிறார். வார்த்தைகளில் எந்த சூழ்நிலையிலும் வெப்பத்தை வெளி காட்டாதீர்கள். அது உறவுகளை பிரித்து சங்கடத்தில் ஆழ்த்தி விடும். செவ்வாய் 3 ஆம் வீட்டில் இருக்கிறார். மற்றவர்களுக்கு மனம் உவந்து உதவி செய்வீர்கள். ஆனால் அந்த நன்றியை அவர்கள் நினைக்க மாட்டார்கள். உங்களுக்குத்தான் கெடுதல் செய்ய நினைப்பார்கள். புதன் 3 ஆம் இடத்தில் இருக்கிறார். குடும்பத்தில் ஏதாவது பிரச்சனையை ஏற்படுத்தி உங்களின் நிம்மதியை கெடுக்க சூழ்ச்சிகளை பின்னுவார்கள். எச்சரிக்கையாக இருந்து அதை தாண்டி வருவது தான் உங்களுடைய சாமர்த்தியம். தொழில்துறைகள் சீராக நடக்கும். வியாபாரத்தில் வெற்றி கொடி நாட்டுவீர்கள். புதிய இடம் வாங்க திட்டம் போடுவீர்கள். அதற்கான ஏற்பாட்டை உங்கள் நண்பர்கள் செய்வார்கள். வியாபாரத்தில் கிடைக்கும் லாபத்தை விவசாயத்தில் போடுவீர்கள். இந்த முறை நல்ல விளைச்சலை எதிர்பார்க்கலாம். மருத்துவத்துறையில் இருப்பவர்கள் சாதனை படைப்பார்கள். கலை துறையினர் திறமையை வெளிப்படுத்தி கணிசமான பலன் பெறுவார்கள். ஐடி துறை ஊழியர்கள் வேலையில் அசாத்திய திறமை காட்டுவார்கள். குரு பகவான் 8 ஆம் இடத்தில் இருக்கிறார். குழந்தைகள் இல்லாத தம்பதிகளுக்கு அந்த பாக்கியம் சித்திக்கும். பிரிந்து போன கணவன் மனைவி மனம் திருந்தி ஒன்று சேர்வார்கள். சுக்கிரன் 1 ஆம் வீட்டில் இருக்கிறார்.வீட்டில் மங்கள நிகழ்ச்சிகள் நடக்கும். தள்ளிப்போன திருமணங்கள் கைகூடி வந்து உறவுகளை ஒட்ட வைக்கும். சனி பகவான் ஆறாம் இடத்தில் இருக்கிறார். ஆன்லைன் வர்த்தகங்கள் அவ்வளவு சாதகமாக அமையாது. பங்கு பரிவர்த்தனையில் பார்த்து கால் வையுங்கள்.

துலாம் தர்ம அதர்மங்களுக்கு ஏற்ப பலன்தரும் சுக்கிரனை அதிபதியாகக் கொண்ட துலாம் ராசி அன்பர்களே… சூரியன் உங்கள் 2 ஆம் அமர்ந்திருக்கிறார். எந்த காரியத்தையும் சொந்த புத்தியில் நடத்த முயற்சி செய்வீர்கள். அதனால் நொந்து நூலாக வேண்டிய கட்டாயம் ஏற்படும். செவ்வாய் 2 ஆம் வீட்டில் இருக்கிறார். நல்ல நண்பர்களின் ஆலோசனையை கேட்டு நடந்து கொள்வது நல்லது. அதிக ஆசைப்பட்டு புதிய முதலீடுகளில் இறங்க வேண்டாம். புதன் 2 ஆம் வீட்டில் இருக்கிறார். உங்களுக்கு எதிராக உள்ள தொழில் போட்டியாளர்களை சமாளிக்க சிரமப்பட வேண்டிய கட்டாய நிலை உள்ளது. அதையும் கவனத்தில் கொள்வது முக்கியமான காரியமாகும். அரசு காண்ட்ராக்ட் வேலைகளை எடுத்து பார்க்கும் நபர்கள் அதிக கண்காணிப்புடன் இயங்க வேண்டும். தொழிலாளர்களுக்கு முறையாக சம்பளம் கொடுக்க வேண்டும். வெளியூர் பயணங்கள் மூலமாக புதிய ஆர்டர்களை பெறுவதில் முயற்சி செய்வீர்கள். ஆனால் அதில் பலன் சற்று குறைவாகவே கிடைக்கும். சிலர் தொழில் காரணமாக வெளிநாடு செல்வார்கள். வெளிநாட்டிலிருந்து ஏற்றுமதி இறக்குமதி தொழிலுக்கு தேவையான உதவிகளை அங்கு இருக்கிற நண்பர்கள் மேற்கொள்வார்கள். குரு 7 ஆம் வீட்டில் இருக்கிறார். முடிக்க முடியாத காரியம் இது வந்து நினைக்கின்ற ஒரு செயலை துணிச்சலுடன் இறங்கி முடித்துக் காட்டி தொழில் பார்ட்னர்களை வியக்க வைப்பீர்கள். தாய் வழி சொத்தில் இருந்த வில்லங்கம் விலகி உரிய நேரத்தில் உங்கள் கைக்கு கிடைக்கும். சனி 5 ஆம் வீட்டில் இருக்கிறார். புதிய வாகனம் வாங்குவீர்கள்.

விருச்சிகம் போர்க்குணம் கொண்ட பூமிகாரகனான செவ்வாயை அதிபதியாகக் கொண்ட விருச்சிக ராசி அன்பர்களே… சூரியன் 1 ஆம் வீட்டில் அமர்ந்திருக்கிறார். வியாபாரத்தில் அதிக வேட்கையோடு உழைப்பீர்கள். அதற்கு தகுந்தார் போல் வருமானத்தையும் பெறுவீர்கள். ஆனால் அதையும் தாண்டி செலவுகள் வந்து கையை கடிக்கும். செவ்வாய் 1ஆம் வீட்டில் இருக்கிறார். ஆடம்பரமான காரியங்களில் மனம் ஈடுபடும். அதற்காக அனாவசியமாக செலவு செய்வீர்கள். அதை கட்டுப்படுத்திக் கொள்வது நல்லது. அடுத்தவர் விஷயத்தில் தலையிட வேண்டாம். புதன் 1ஆம் வீட்டில் இருக்கிறார்.தொழிலில் சீரான முன்னேற்றம் காணப்படும். பக்குவமாக நடந்து கொள்ள வேண்டும். கணக்கு வழக்குகளில் கவனமுடன் இருப்பது எதிர்காலத்திற்கு நல்லது. சுக்கிரன் 11 ஆம் வீட்டில் இருக்கிறார். மனைவியின் மனம் அறிந்து நடந்து கொள்ளுங்கள். அனாவசியமாக பேசி அவஸ்தையை வாங்கிக் கொள்ளாதீர்கள். பிள்ளைகளின் நடவடிக்கைகளில் கண்காணிப்பு மிக முக்கியம். இளம் வயதினர் பெற்றோர்களின் எண்ணத்திற்கு மாறுபட்டு தனக்குத்தானே துணையைத் தேடிக் கொள்வார்கள். காவல் நிலையத்தில் சில பஞ்சாயத்துக்கள் நடக்கலாம். வெளியூரில் இருந்து வரவேண்டிய நல்ல செய்தி மிகவும் தாமதமாகவே கிடைக்கும். உங்களுக்கு உதவ தயாராக இருந்தவர்களுக்கு பிரச்சனை ஏற்பட்டு உதவ முடியாமல் போகலாம். நிதானமாக எதிலும் நடந்து கொள்ளுங்கள். அரசு ஊழியர்கள் பணியில் கவனம் இல்லையென்றால் மேலதிகாரிகளின் குற்றச்சாட்டு உங்களை குறிவைத்து பாயும். தனியார் துறை ஊழியர்கள் முதலாளிகளின் கவனத்தை கவருகின்ற வகையில் வேலை செய்ய வேண்டும். சிலர் வேலை இழக்கும் அபாயம் கூட உள்ளது.

தனுசு வினைப்பயனை அறுக்கின்ற வியாழ பகவானை அதிபதியாகக் கொண்ட தனுசு ராசி அன்பர்களே… சூரிய பகவான் உங்கள் ராசிக்கு 12 ஆம் இடத்தில் இருக்கிறார். வாழ்க்கையிலும் தொழிலிலும் மிக சிறப்பான மாற்றத்தை எதிர் நோக்குவீர்கள். செவ்வாய் 12 ஆம் வீட்டில் இருக்கிறார். எதிர்பாராத பண வரவு உண்டாகி உங்களை திக்கு முக்காட வைக்கும். சில தொழில்களில் நீங்கள் ஒரு மடங்கு லாபத்தை எதிர்பார்ப்பீர்கள். ஆனால் இரு மடங்கு வருமானம் வந்து மன மகிழ்ச்சியை உண்டாக்கும். புதன் 12 ஆம் வீட்டில் இருக்கிறார். பங்கு பரிவர்த்தனையில் அதிக முதலீடு செய்வீர்கள். ஆன்லைன் வர்த்தகங்கள் சிறப்பான லாபத்தை கொடுக்கும். கமிஷன் வியாபாரத்தில் நல்ல பலனை எதிர்பார்க்கலாம். நிலம் வாங்கி விற்கும் தொழிலில் மனதுணையோடு இறங்குங்கள். ஏற்கனவே வாங்கிய நிலத்திற்கு இந்த நேரத்தில் பத்திரப்பதிவு செய்வீர்கள். உறவினர்கள் உங்களுக்கு அனுசரணையாக நடந்து கொள்வார்கள். மனைவி மக்களும் உங்களுடைய மனதை புரிந்து கொண்டு எந்த காரியத்தையும் செய்வார்கள். வீட்டிலும் வெளியிலும் உங்கள் செல்வாக்கு கொடிகட்டி பறக்கும். வாடகை வீட்டிலிருந்து சொந்த வீட்டிற்கு குடி பெயர்வீர்கள். சிலர் வீடு கட்டுவதற்கான அஸ்திவாரம் அமைப்பார்கள். இரும்பு மணல் செங்கல் போன்ற வியாபாரம் லாபம் கொழிக்கும். குரு 5 ஆம் வீட்டில் இருக்கிறார். விருந்து நிகழ்ச்சிகளால் வீடு களைகட்டும். உறவினர்களின் வருகையாலும் அனுசரணையான போக்காலும் உற்சாகத்துடன் காணப்படுவீர்கள். மருத்துவர்கள் வழக்கறிஞர்கள் சிறப்பான சாதனை படைப்பார்கள். கேது 11ஆம் இடத்தில் இருக்கிறார். குலதெய்வம் கோயிலுக்கு சென்று பழைய நேர்த்திக் கடனை நிறைவேற்றுவீர்கள்.

மகரம் வியூகங்கள் மூலம் வெற்றிகளைக் காணும் மந்தனின் ஆதிக்கம் கொண்ட மகர ராசி அன்பர்களே…. சூரியன் 11 ஆம் இடத்தில் நிற்கிறார். போட்டி பந்தயங்களில் துணிச்சலுடன் ஈடுபடலாம். பங்கு பரிவர்த்தனையில் நுணுக்கமாக முதலீடு செய்து அதிகமான லாபத்தை அள்ளுவீர்கள். ஆன்லைன் வர்த்தகங்களும் உங்களுக்கு சாதகமாக இருக்கின்றன. செவ்வாய் 11 ஆம் இடத்தில் இருக்கிறார். தொழில் துறையில் உங்களுக்கு எதிரியாக இருந்தவர்கள் கூட நண்பர்களாக மாறி உங்களின் திறமையை பாராட்டுவார்கள். புதன் 11 ஆம் வீட்டில் இருக்கிறார். நடைபாதை வியாபாரிகளும் சிறு கடை வைத்திருப்பவர்களும் மிக சிறப்பான லாபத்தை அடைவார்கள். பெண்களும் கணவன்மார்கள் கொடுக்கும் பணத்தை சேமித்து வைத்து சொந்தமாக நகை வாங்கி அசத்துவார்கள். சுக்கிரன் 9 ஆம் வீட்டில் இருக்கிறார்.பிள்ளைகள் அக்கறையுடன் படித்து பெற்றோருக்கு பெருமை சேர்ப்பார்கள். வழக்கறிஞர்கள் வாத திறமையை வெளிப்படுத்தி புதிய வழக்குகளை பெறுவார்கள். மருத்துவர்கள் சிக்கலான அறுவை சிகிச்சையை கூட திறம்பட செய்வார்கள். ஐடி ஊழியர்கள் அக்கறையுடன் வேலை பார்த்து புதிய கண்டுபிடிப்புகளை நிகழ்த்துவார்கள். தனக்கு மிஞ்சி தான் தான தர்மம் என்ற மனநிலையில் இருந்தாலும் உதவி கேட்டு வருபவர்களுக்கு இல்லை என்று சொல்லாமல் அவர்களின் தேவையை பூர்த்தி செய்வீர்கள். அரசியல்வாதிகள் மக்களின் மனம் அறிந்து நடந்து செல்வாக்கை பெறுவார்கள். குரு 4 ஆம் இடத்தில் இருக்கிறார். உங்களுக்கு எதிராக சூழ்ச்சி செய்தவர்களின் மனதை மாற்றி நல்வழிப்படுத்துவீர்கள். வெளியூர் பயணங்களில் மூலமாக தொழிலுக்கு தேவையான ஆர்டர்களை பெறுவீர்கள்.

கும்பம் சாணக்கியத்தனத்தால் சாதனை புரியும் சனிபகவானை அதிபதியாகக் கொண்ட கும்ப ராசி அன்பர்களே… சூரியன் 10 ஆம் வீட்டில் இருக்கிறார். “கையில வாங்கினேன், பையில போடல, காசு போன இடம் தெரியல” இந்த நிலை உங்களுக்கு இந்த வாரத்தில் ஏற்படும். “வரவு எட்டணா செலவு பத்தணா அதிகம் ரெண்டனா கடைசியில் துந்தனா” என்று பாட்டு பாடுகின்ற மனநிலைக்கு கடன் பிரச்சனைகள் கொண்டு வரும். இருப்பினும் தொழில்துறையில் அதிக ஏமாற்றம் இருக்காது. வியாபாரத்தில் வருமானம் பெருகும். செவ்வாய் 10 ஆம் வீட்டில் இருக்கிறார். வெளியூரிலிருந்து நல்ல செய்தி வந்து சேரும். ஆன்லைன் வர்த்தகங்களில் அதிக முதலீடு செய்ய வேண்டாம். பங்கு பரிவர்த்தனைகளில் ஏற்ற தாழ்வு இருக்கும். புதன் 10 ஆம் வீட்டில் இருக்கிறார். ரியல் எஸ்டேட் தொழில் சூடு பிடிக்கும். தந்தையார் வகையில் மருத்துவச் செலவு ஏற்படலாம். தாயார் வழியில் இருந்து பண வரவு கிடைப்பதற்கான வாய்ப்பு உண்டு. சகோதர சகோதரிகள் உதவிகரமாக இருப்பார்கள். அரசு ஊழியர்கள் பணியில் அதிக அக்கறை காட்டுவார்கள். கலைத்துறையினர் மிகவும் சிரமப்பட்டு வருகின்ற வாய்ப்பை தக்க வைத்துக் கொள்ள வேண்டும். அரசுத் துறையில் காண்ட்ராக்ட் எடுத்திருந்தவர்கள் அதிக அலைச்சலை சந்திப்பர். குரு பகவான் 3 ஆம் இடத்தில் இருக்கிறார். உங்கள் வாக்குக்கு என்று தனி மரியாதை உண்டு. நண்பரின் வீட்டில் உள்ள சிக்கலான பிரச்சனையை பேசி தீர்ப்பீர்கள். பணவரவு தாராளமாக இருக்கும். சனி 1 ஆம் இடத்தில் இருக்கிறார். அடுத்தவர்களின் ஆசை வார்த்தைகளை நம்பாதீர்கள். அதிக வருமானம் கிடைக்கும் என்று தெரியாத தொழிலில் முதலீடு செய்யாதீர்கள்.

மீனம் பார்வையால் பலன்களை அள்ளித்தரும் குரு பகவானை அதிபதியாகக் கொண்ட மீனராசி அன்பர்களே…. சூரியன் 9 ஆம் வீட்டில் அமர்ந்திருக்கிறார். ஒட்டி ஒட்டி உறவாடிய உறவுகள் எட்டி எட்டி ஒரு கிலோ மீட்டர் தூரம் வரை தள்ளி போகக்கூடிய நிலை உண்டாகும். நீங்கள் செய்யும் தொழிலில் எதிர்பாராத திருப்பம் ஏற்படும். செவ்வாய் 9 ஆம் வீட்டில் இருக்கிறார். வரவுக்கு மேல் செலவு வந்தாலும் அதை சமாளிக்கும் திறன் உங்களுக்கு உண்டு. கடன் வாங்குவீர்கள். ஆனால் அதை வீட்டுத் தேவைக்காக பயன்படுத்துவீர்கள். நெருப்பு இரும்பு சம்பந்தப்பட்ட தொழில் செய்பவர்கள் மிகவும் எச்சரிக்கையாக வேலை பார்க்க வேண்டும். சின்ன சின்ன விபத்துக்கள் ஏற்படுவதற்கான வாய்ப்பு உண்டு. புதன் 9 ஆம் வீட்டில் இருக்கிறார். நகைகள், பணம் ஆகியவற்றை வீட்டில் வைத்துவிட்டு வெளியூர் பயணம் செல்லாதீர்கள். திருட்டு போகக்கூடிய நிலை உண்டாகும். பணத்தை இழந்த பிறகு பரிதவிப்பதால் ஆகப்போவது ஒன்றும் இல்லை. யாருக்கும் ஜாமீன் கையெழுத்து போட வேண்டாம். உங்களால் இயன்ற உதவிகளை செய்யுங்கள். ஆனால் வாக்கு கொடுத்து மாட்டிக் கொள்ளாதீர்கள். வியாபாரத்தில் சிக்கலான பிரச்சனைகளை தீர்த்து வெற்றி காண்பீர்கள். சுக்கிரன் 7 ஆம் வீட்டில் இருக்கிறார். எதிர்பாராத இடத்திலிருந்து தன வரவு கிடைக்கும். அதை உரிய முறையில் பயன்படுத்திக் கொள்ளுங்கள். வெளியூர் பயணங்கள் மூலமாக சில அனுகூலமான பலனை பெறுவீர்கள். குரு 2 ஆம் இடத்தில் அமர்ந்திருக்கிறார். எடுத்த காரியங்களில் சின்ன சின்ன தடைகள் உருவாகும். வெற்றிகரமாக தாண்டுங்கள். சனி 12 ஆம் இடத்தில் இருக்கிறார். இரும்பு செங்கல் நிலம் வாங்கி விற்பது போன்ற தொழிலில் அமோக லாபம் பெறுவீர்கள்.