சூரிய கிரகணத்தால் நல்ல மாற்றத்தை உணரவிருக்கும் 6 ராசிக்காரர்கள்

முழு சூரிய கிரகணம் இன்றையதினம் (ஏப்ரல் 20ம் திகதி (சித்திரை 7) அன்று நிகழ உள்ளது. சூரியன் உச்சம் அடையக்கூடிய மேஷ ராசியில் சஞ்சரிக்கக்கூடிய மாதத்தில், புதனுடன் சேர்ந்து புதாதித்ய யோகம், ஹன்ஸ் யோகம் உள்ளிட்ட யோகங்களை உருவாகின்றனர்.

சூரியனுடன் சேரக்கூடிய சந்திரன் அங்கு இருக்கும் ராகுவால் கிரகணம் ஏற்படுகிறது. குறிப்பிட்ட யோகங்களால் நன்மைகளை அடைய உள்ள ராசிகள் குறித்து இங்கு பார்ப்போம்.

மேஷ ராசி

மேஷ ராசியில் சூரியன் உச்சம் பெற்று ராகுவுடன் சேர்ந்திருக்கக்கூடிய நிலையில் சந்திரனின் சேர்க்கையால் கிரகணம் உண்டாகிறது.

இதனால் வாழ்க்கையில் சில எதிர்பாராத நன்மைகளும், மாற்றங்களும் உண்டாகும். முயற்சிகள் ஆசைகள் நிறைவேறும்.புதிய திட்டங்கள் சிறப்பாக நிறைவேறி வெற்றி கிடைக்கும்.

மிதுனம்

ராசிக்கு 11ம் வீடான லாப ஸ்தானத்தில் சூரிய கிரகணம் நிகழ்வதால் அற்புத யோகத்தைப் பெற்றிட முடியும்.

இதனால் உத்தியோகஸ்தர்கள் தங்களின் பணியிடத்தில் மேலதிகாரிகளின் நம்பிக்கையும் பாராட்டையும் பெறுவார்கள்.

மற்றவர்களிடம் பணம் கொடுத்து கிடைக்காதவர்களுக்கு இன்றைய தினம் திரும்ப கிடைக்க சாதகமானதாக இருக்கும். தடைப்பட்ட சுப காரியங்கள் நடக்க சாதக சூழல் உருவாகும்.

கடகம்

கடக ராசிக்கு 10ம் வீடான கர்ம ஸ்தானத்தில் இந்த சுப யோகங்கள் சேர உள்ளதால் தொழில், வியாபாரத்தில் மிகப் பெரிய முன்னேற்றம் ஏற்படும்.

பதவி உயர்வு கிடைக்கும். பணியிடத்தில் நினைத்த முன்னேற்றமும், இடமாற்றம் கிடைக்கவும் வாய்ப்புள்ளது.

நிதி நிலை சிறப்பாக மேம்படும். வாழ்வில் வசதிக்கு பஞ்சமிருக்காது. வாழ்க்கையில் பெரிய மாற்றங்களை எதிர்பார்க்கலாம்.

சிம்மம்

சிம்ம ராசி நாதனான சூரியன் ராகு உடன் இணைந்துள்ளார். மேஷத்தில் ஏற்படும் சுப யோகத்தால் உங்களின் வேலையிலும், தொழில், வியாபாரத்தில் நீங்கள் நினைத்ததை விட முன்னேற்றம் ஏற்படும். ஆன்மிகத்தில் மனம் ஈடுபடும்.

நேர்மறையான எண்ணங்கள் உண்டாகும். உங்களின் சிந்தனையும், செயல்படு திறமையும் சிறப்பாக இருக்கும்.

துலாம்

துலாம் ராசிக்கு களத்திர ஸ்தானத்தில் சூரிய கிரகண நிகழ்வு நடக்கிறது. உங்கள் வாழ்க்கையில் இருந்த மனகவலைகள் நீங்கும்.

குடும்ப உறவில் இருந்த மன கசப்பு நீங்கும். குடும்ப உறுப்பினர்களிடையே அன்பு அதிகரிக்கும். செயல்பாடுகளால் நல்ல பெயர் பெற வாய்ப்புள்ளது. பேச்சுக்கு மதிப்பு இருக்கும்.

மகரம்

மகர ராசிக்கு பெரியளவில் நல்ல மாற்றங்கள் கிடைக்கக்கூடிய யோகமாக இருக்கும். உங்களின் சுக,தாயார் ஸ்தானத்தில் ஏற்படும் யோகத்தால் வெளியூர், வெளிநாடு செல்லும் வாய்ப்பு உண்டாகும்.

புதிய வாய்ப்புகள், வசதிகள் கிடைக்கும். புதிய வீடு, மனை வாங்கும் முயற்சியில் இருந்தால் அது நிறைவேறும்.