செவ்வாய் பெயர்ச்சியால் கவனமாக இருக்க வேண்டிய இராசிகள்!

செவ்வாய் கடக ராசியில் சஞ்சரிக்கக்கூடிய காலம் இது. அந்த கிரகம் பலவீனமானதாக அதாவது நீச நிலையை அடைவார். அதோடு அஷ்ட ஸ்தானத்தில் சனி வருவதால் ஷடாஷ்டக யோகத்தை உண்டாக்குகிறார். இத்தகைய சூழ்நிலையில், செவ்வாய் கிரகத்தின் தாக்கம் பல ராசிக்காரர்களுக்கு நன்மைகள் செய்தாலும் சில ராசியினருக்கு மோசமான பலன்களைத் தருபவராக இருப்பார். ஜூலை 1ம் திகதி வரை கடகத்தில் சஞ்சரிக்கும் 50 நாட்களில் யார் எல்லாம் கவனமாக இருக்க வேண்டும் என கவனம் செலுத்துவோம்.

ரிஷபம் செவ்வாய் பகவான் ஒருவருக்கு தைரியத்தை தரக்கூடியவர். இவர் தைரிய ஸ்தானத்தில் நீச நிலையில் சஞ்சரிக்கும் போது உங்களின் முடிவெடுக்கும் திறன், வேகம், வலிமை குறைய வாய்ப்புள்ளது. அதனால் எந்த ஒரு செயலை செய்வதாக இருந்தாலும் சிந்தித்துச் செயல்படவும். வீண் குழப்பத்தால் நேரத்தை வீணாக்காதீர்கள். வேலையை கவனமாக, திட்டமிட்டுச் செய்தால் மட்டும் சரியான நேரத்தில் செய்து முடிக்க முடியும்.

மிதுன ராசி மிதுன ராசிக்காரர்களுக்கு இரண்டாம் இடத்தில் அதாவது தன ஸ்தானத்தில் செவ்வாய் பெயர்ச்சி நடந்துள்ளது. இதன் போது பணியிடத்தில் தேவையில்லாத சண்டை சச்சரவுகளைத் தவிர்த்து வேலையில் கவனம் செலுத்துங்கள். செவ்வாய் சஞ்சாரத்தால் உங்களின் தைரியமும், துணிச்சலும் அதிகரிக்கும். ஆனால் வீண் விவாதங்களில் ஈடுபட வேண்டாம். திட்டமிட்டதை விட செலவு அதிகரிக்க வாய்ப்புள்ளது. உங்களின் எதிரிகள் ஆதிக்கம் செலுத்த வாய்ப்புள்ளது என்பதால் சூழலை உணர்ந்து செயல்படவும்.

கடக ராசி ராசியிலேயே செவ்வாய் நீசமடையக்கூடிய காலம் என்பதால் உங்கள் குடும்ப உறுப்பினர்களுடன் மனக்கசப்பு அதிகரிக்கும். வீட்டின் எந்த திட்டத்தை செயல்படுத்த நினைத்தாலும் அதில் தடைகள் ஏற்படலாம். இந்த காலகட்டத்தில், குழப்பமான சூழலால், நீங்கள் தனியாக நேரத்தை செலவிட விரும்புகிறீர்கள். வாழ்க்கையில் முக்கியமான விஷயங்களில் கவனம் செலுத்துவீர்கள். வியாபாரம், தொழில் ரீதியான விஷயங்களில் செவ்வாய் சஞ்சாரம் சிறப்பாக இல்லை பல சவால்களை சந்திக்க வேண்டியிருக்கும்.

விருச்சிக ராசி செவ்வாய் விருச்சிக ராசியில் இருந்து ஒன்பதாம் வீடான பாக்கிய ஸ்தானம், தந்தை ஸ்தானத்தில் சஞ்சரிக்கிறார். இக்காலத்தில் பணி மாறுதல் திட்டம் வெற்றியடைவதோடு வருமானமும் பெருகும். இந்த காலம் மாணவர்களுக்கு மிகவும் சிறப்பானதாக இருக்கும். அதே நேரத்தில் உங்கள் இலக்கை நிறைவேற்ற கடினமாக உழைக்க வேண்டியது இருக்கும். படிப்பில் அதிக கவனம் செலுத்த வேண்டும். உங்கள் தந்தையுடனான உறவு மோசமடையக்கூடும். வேலையில் அவசரப்படாமல் நிதானமாக சிந்தித்து செயல்படவும். ஆரோக்கியத்தில் சிறப்பு கவனம் செலுத்தவும்.

தனுசு ராசி தனுசு ராசிக்கு செவ்வாய் பெயர்ச்சி உங்கள் ராசியிலிருந்து எட்டாம் வீட்டில் நிகழ்கிறது. திருமண வாழ்க்கையில் சில பிரச்சனைகளை சந்திக்க வேண்டி வரும். நிதி ரீதியாக சில பிரச்சனைகள் உங்கள் முன் வந்து நிற்கும். ஆனால் திடீரென்று பணம் வருவதற்கான வாய்ப்புகளும் உண்டு. நண்பர்களுடன் மகிழ்ச்சியாக நேரத்தை செலவிடுவீர்கள்.

மகர ராசி உங்கள் ராசிக்கு ஏழாமிடத்தில் செவ்வாய் சஞ்சாரம் நடக்கப் போகிறது. இதன் போது கோபம் மற்றும் பேச்சைக் கட்டுப்படுத்துவது அவசியம். இல்லையெனில் தேவையற்ற பிரச்னைகளில் சிக்க நேரிடும். பணியிடத்தில் சக ஊழியர்களுடன் வாக்குவாதம் ஏற்படும் சூழ்நிலை ஏற்படலாம் எனவே உங்கள் வேலையில் கவனம் செலுத்தவும். விவாதங்களில் இருந்து விலகி இருக்கவும். வணிகர்களுக்கு சாதகமாக இருக்கும், முன்னேற்றத்திற்கான வாய்ப்புகள் உருவாகும். திடீரென்று ஒரு பெரிய ஆர்டரைப் பெறலாம்.