புதன் பெயர்ச்சி 2023 : 6 ராசிக்கு வெற்றிகள் தேடி வரும், பொற்காலம் தொடரும்

நவம்பர் 27ம் தேதி புதன் பகவான் தனுசு ராசிக்கு பெயர்ச்சி ஆக உள்ளார். புதனின் அமைப்பானது சில ராசியினருக்கு அனுகூல பலன்கள் கிடைக்கும். அடுத்த 30 நாட்களுக்கு பொற்காலமாக அமைய வாய்ப்புள்ளது.

புதன் பகவான் நவம்பர் 27ம் தேதி மாலை 4.25 மணிக்கு விருச்சிக ராசியிலிருந்து தனுசு ராசிக்கு பெயர்ச்சி ஆகிறார். மேலும் புதனின் அமைப்பானது சிலரின் வாழ்க்கையில் பிரச்னைகள் குறையும். சுப பலன்கள் அதிகரிக்கும். புதன் பகவானின் அமைப்பானது சிலருக்கு உத்வேகம், அறிவு, அதிர்ஷ்டம், புத்திசாலித்தனம், வழிகாட்டுதல் போன்றவற்றைக் கிடைக்கும். மேஷம், மிதுனம் உள்ளிட்ட சில ராசியினருக்கு நற்பலன்கள் அதிகமாக கிடைக்கும்.

மேஷ ராசி

மேஷ ராசிக்காரர்களுக்கு புதனின் சஞ்சாரம் பல நல்ல பலனைத் தரும். உங்களின் முயற்சிகளுக்கு நல்ல லாபம் கிடைக்கும். அரசு வேலைக்கு முயல்பவர்களுக்கு வேலை கிடைக்க வாய்ப்புள்ளது. போட்டித் தேர்வுக்கு தயாராகும் மாணவர்களுக்கு சாதக பலன்கள் கிடைக்கும்.
உங்களின் செயல்பாடு சிறப்பாகவும், அதில் நேர்மறையான முடிவுகளையும் பெறுவார்கள். பல சிறப்பான நபர்களை சந்திப்பீர்கள். ஆன்மிக விஷயங்களில் ஆர்வம் செல்வுத்துவீர்கள். குடும்ப வாழ்க்கை சிறப்பாக நகரும். சகோதர சகோதரிகளின் முழு ஆதரவையும் பெறுவீர்கள்.

மிதுன ராசி

மிதுன ராசி அதிபதியான புதனின் பெயர்ச்சி 7ம் இடமான மனைவி, துணை ஸ்தானத்திற்குச் செல்கிறார். இதனால் திருமண முயற்சிகளில் உள்ள நபர்களுக்கு நல்ல வரன் அமைய வாய்ப்புள்ளது. சில ஆன்மிக நிகழ்ச்சிகளும் வீட்டில் நடக்கலாம். திருமண வாழ்க்கை வாழக்கூடியவர்களுக்கு உங்கள் மனைவியுடன் உறவு பலப்படும்.

சிலர் சொத்துக்களை வாங்குவதில் வெற்றி அடைவீர்கள். ஆராய்ச்சித் துறையுடன் தொடர்புடையவர்களுக்கு பயனுள்ள பல விஷயங்கள் நடக்கும். மிதுன ராசிக்காரர்கள் கூட்டுத் தொழிலில் ஈடுபட்டால், இந்த காலகட்டத்தில் உங்களுக்கு நல்ல லாபம் கிடைக்கும், உங்கள் நிதி நிலை மேம்படும்.

சிம்ம ராசி

சிம்ம ராசிக்காரர்களுக்கு புதனின் பெயர்ச்சியானது 5ம் இடமான பூர்வ புண்ணிய ஸ்தானத்தில் சஞ்சாரம் செய்வதால் சுப பலன்கள் பெற்றிடலாம். இந்த காலகட்டத்தில், நீங்கள் தொழில் வாழ்க்கையில் நல்ல முன்னேற்றத்தை அடையலாம். போட்டித் தேர்வுகளுக்குத் தயாராகும் மாணவர்கள் வெற்றி பெற முடியும்.
இந்த காலகட்டத்தில் திருமணமாகாதவர்களுக்குத் துணை அமையும். மாணவர்களின் கற்றல் திறனை அதிகரிக்கும். உங்களின் திறமைகளால் தனிப்பட்ட மற்றும் தொழில் வாழ்க்கையில் உறவுகளை வலுப்படுத்துவீர்கள். இந்த காலகட்டத்தில் முதலீடுகள் மூலம் நல்ல லாபம் ஈட்டுவதில் வெற்றி பெறுவார்கள். மேலும் நிதி நிலையை வலுப்படுத்த கடினமாக உழைப்பார்கள்.

கன்னி ராசி

கன்னி ராசி அதிபதியான புதனின் பெயர்ச்சி சுக ஸ்தானத்தில் அமைகிறது. புதனின் சஞ்சாரத்தால் அடுத்த ஒரு மாத காலம் உங்களின் செயல்பாடுகளில் வெற்றிகரமாக இருப்பீர்கள். குடும்பத்துடன் தரமான நேரத்தை செலவிடுவீர்கள். இல்லற வாழ்வில் முழுக் கவனம் செலுத்துவதோடு, குடும்பத் தேவைகளை நிறைவேற்றுவதிலும் வெற்றி பெறுவீர்கள்.
பல வேலைகளை செய்து முடிக்க முடியும். வீட்டு பொறுப்புக்களை சிறப்பாக செய்து முடிப்பீர்கள். சொத்து, வாகனம் வாங்கும் ஆசையை நிறைவேற்றுவீர்கள். புத்திசாலித்தனத்தால் அனைத்து பிரச்சனைகளையும் தீர்த்து வெற்றி பெறுவீர்கள்.

தனுசு ராசி

தனுசு ராசிக்காரர்களுக்கு புதனின் பெயர்ச்சி சாதகமானதாக இருக்கும். உங்களின் பல முக்கிய பணிகள் சிறப்பாக முடிவடையும். புதிய வீடு வாங்கவும், வீட்டைப் புதுப்பிக்கவும் திட்டமிடுவீர்கள். குடும்பம் மற்றும் தொழில் வாழ்க்கையில் சமநிலையை பேணுவீர்கள். குடும்ப உறுப்பினர்களுடன் நேரத்தை செலவிட வாய்ப்பு கிடைக்கும்,
உங்கள் பேச்சு மற்றும் தொடர்பு திறன் நன்றாக இருக்கும். வெளிநாடு செல்வதற்கான முயற்சிகளில் உள்ளவர்களுக்கு வாய்ப்புகள் சாதகமாக அமையும்.

மீன ராசி

மீன ராசிக்காரர்களுக்கு புதனின் சஞ்சாரத்தின் நல்ல தாக்கம் அடைவீர்கள். இந்த நேரத்தில், நீங்கள் செய்யும் பணி பாராட்டப்படும் மற்றும் மற்றவர்களுடனான உங்கள் உறவு நன்றாக இருக்கும். உடல்நலம் தொடர்பான ஏதேனும் பிரச்சனையால் குறைந்து, உங்கள் ஆரோக்கியம் மேம்படும்.
உங்கள் பெற்றோருடன் மகிழ்ச்சியாக நேரத்தை செலவிட வாய்ப்பு கிடைக்கும். புதன் பெயர்ச்சி நிதி சம்பந்தப்பட்டவர்களுக்குச் சாதகமாக இருக்கும்.

குறிப்புகள்

• இந்த ராசி பலன்கள் என்பது பொதுவான பலன்கள் ஆகும். ஒவ்வொருவரின் ஜாதக அமைப்பைப் பொறுத்து பலன்கள் மாறுபடும்.
• ஜோதிடரின் ஆலோசனை பெற்று உங்கள் வாழ்க்கையை சிறப்பாக அமைத்துக் கொள்ளுங்கள்.