Protein, Calcium, Iron சத்துக்கள் நிறைந்ததும் அடர்த்தியான முடி வளர்ச்சிக்கும் உதவும் லட்டு: தயாரிப்பது எப்படி?
பொதுவாக பெரும்பாலான மக்களுக்கு இருக்கும் பிரச்சனை என்றாலே அது முடி பிரச்சனைதான். உடலில் சரியான ஊட்டச்சத்து இல்லாத காரணத்தினால் முடி உதிர்வு மற்றும் ஆரோக்கியமற்ற முடி உருவாக காரணமாகுகிறது. அடர்த்தியான மற்றும் நீளமான முடியை பெற ஆரோக்கிய சத்துக்கள் நிறைந்த இந்த லட்டு போதும். இதை எப்படி தயாரிப்பது என்று பார்க்கலாம்.
தேவையான பொருட்கள்
வேர்க்கடலை- 1/2 கப்
நெய்- 1/2 கப்
ராகி மாவு-1/2 கப்
வெல்லம்- 1 கப்
ஏலக்காய் தூள்- 1 ஸ்பூன்
செய்முறை
முதலில் வேர்க்கடலையை பொன்னிறமாக வறுத்து தோலுரித்து எடுத்துக்கொள்ளவும்.
பின் ஒரு வாணலில் நெய் ஊற்றி ராகி மாவை சேர்த்து 10 நிமிடம் மிதமான தீயில் நன்கு வறுத்து எடுத்துக்கொள்ளவும்.
பின் மற்றொரு பாத்திரத்தில் வெல்லம் மற்றும் தேவையான அளவு தண்ணீர் ஊற்றி கம்பி பதம் வரும் வரை பாகுகாய்ச்சி எடுத்துக்கொள்ளவும்.
அடுத்து தோலுரித்த வேர்க்கடலையை மிக்ஸியில் கொரகொரப்பாக அரைத்து எடுத்துக்கொள்ளவும்.
இதனைத்தொடர்ந்து ஒரு பாத்திரத்தில் வறுத்து வைத்துள்ள ராகி மாவு, வெல்லப்பாகு, வேர்க்கடலை மற்றும் ஏலக்காய் தூள் சேர்த்து லட்டுவாக பிடித்து வைத்தல் ஆரோக்கியமான லட்டு தயார்.
