வெளிநாட்டு மாணவர்களுக்கு சுவிட்சர்லாந்திலிருந்து மகிழ்ச்சியான செய்தி!

சுவிட்சர்லாந்திலிருந்து வெளிநாட்டவர்களுக்கு அதீத கட்டுப்பாடுகள் விதிக்கும் நிலையில், வெளிநாட்டு மாணவர்களுக்கு ஒரு மகிழ்ச்சியான செய்தி வெளியாகி ஆச்சரியத்தை ஏற்படுத்தியுள்ளது. சுவிட்சர்லாந்தில் கல்வி கற்று, பட்டம் பெற்ற வெளிநாட்டு மாணவர்கள், சுவிட்சர்லாந்தில் தங்கி பணியாற்றுவது எளிதாக்கப்பட உள்ளதாக தகவல் வெளியாகியுள்ளது.

இந்நிலையில், சில மாதங்களுக்கு முன் நாடாளுமன்ற கீழவை வாக்கெடுப்பில் வெற்றி பெற்ற, இந்த விடயம் தொடர்பான திட்டம் ஒன்றிற்கு, மாகாணங்கள் கவுன்சில் தனது ஆதரவைத் தெரிவித்துள்ளது. இந்த விடயம், ஆண்டொன்றிற்கு 500 பேருக்கு பயனளிக்கக் கூடியதாக இருக்கும் என நீதித்துறை அமைச்சரான Elisabeth Baume-Schneider தெரிவித்துள்ளது குறிப்பிடத்தக்கது.