நியூஸ்லாந்து அணிக்கு எதிரான தொடரில் இருந்து விலகிய இந்திய அணியின் முக்கிய வீரர் !

நியூஸ்லாந்து மற்றும் இந்திய அணிகளுக்கிடையிலான மூன்று போட்டிகள் கொண்ட ஒருநாள் தொடரில் இருந்து இந்தியக் கிரிக்கெட் அணியின் துடுப்பாட்ட வீரரான ஸ்ரேயாஸ் ஐயர் விலகியுள்ளதாக தகவல்கள் வெளியாகியுள்ளது.

28 வயதான ஸ்ரேயாஸ் ஐயர், முதுகு உபாதைக்கு உள்ளாகியுள்ளதாக இந்தியக் கிரிக்கெட் கட்டுப்பாட்டு சபை தெரிவித்துள்ளது.

மேலும், இவருக்கு பதிலாக ரஜத் படிதார் அணிக்குள் உள்வாங்கப்பட்டுள்ளதாக பிசிசிஐ. குறிப்பிட்டுள்ளது.

மூன்று போட்டிகள் கொண்ட ஒருநாள் தொடர் மற்றும் ரி-20 தொடரில் விளையாடுவதற்காக நியூஸ்லாந்து அணி, இந்தியா வருகின்றது. இத்தொடரின் முதல் ஒருநாள் போட்டி, எதிர்வரும் ஜனவரி 18ஆம் திகதி ஹைதராபாத்தில் ஆரம்பமாகவுள்ளமை குறிப்பிடத்தக்கது.