ரஜினிகாந்த், யோகி ஆதித்யநாத் காலில் விழுந்ததற்கான பின்னணி!
இமயமலைக்கு ஆன்மீக பயணம் மேற்கொண்ட நடிகர் ரஜினிகாந்த் உத்தரபிரதேச முதல்வர் யோகி ஆதித்யநாத் காலில் விழுந்தது சர்ச்சையை கிளப்பியது. சூப்பர்ஸ்டார் ரஜினிகாந்த் நடிப்பில் நெல்சன் இயக்கத்தில் வெளியான ஜெயிலர் படம் சூப்பர் ஹிட்டடித்துள்ளது. இந்நிலையில் ஆன்மீக பயணமாக இமயமலைக்கு சென்றார் நடிகர் ரஜினிகாந்த். அங்கிருந்து உத்தரபிரதேசம் சென்றவர், முதல்வர் யோகி ஆதித்யநாத்தை சந்தித்தார், அப்போது அவரது காலில் விழுந்து ஆசி பெற்றார். தன்னை விட வயதில் சிறியவர் காலில் விழலாமா? எதற்காக ரஜினிகாந்த் இப்படி செய்தார்? என்றெல்லாம் பல விமர்சனங்கள் எழுந்தன.
இந்நிலையில் இதுதொடர்பில் கருத்து தெரிவித்துள்ள காங்கிரஸ் தலைவர் உதித் ராஜ், எதிர்காலத்தில் யோகி ஆதித்யநாத் பிரதமர் ஆவதற்கான வாய்ப்புகள் அதிகம் உள்ளதாக தொடர்ந்து பேசப்பட்டு வருகின்றது. பிரதமர் மோடி காலில் கூட ரஜினிகாந்த் விழுந்து வணங்கியதில்லை, ரஜினிக்கும் யோகி குறித்து அப்படி தோன்றியிருக்கலாம். இல்லையென்றால் ரஜினிகாந்த் இப்படி செய்திருக்க வேண்டிய அவசியம் இல்லையே என விமர்சித்துள்ளார்.
