இங்கிலாந்தை சேர்ந்த யுவதிக்கு வலுக்கட்டாயமாக முத்தமிட்ட இலங்கை மீனவர் கைது

இலங்கைக்கு வருகைத்தந்த வெளிநாட்டு யுவதி ஒருவரை இலங்கை மீனவர் ஒருவர் வலுக்கட்டாயமாக கட்டிப்பிடித்து  முத்தம் கெடுத்துள்ளார்.

குறித்த யுவதி இங்கிலாந்து நாட்டை சேர்ந்தவர் என்பது குறிப்பிடத்தக்கது. இங்கிலாந்து நாட்டை சேர்ந்த குறித்த யுவதி தனது பெற்றோருடன் கிரிந்த பிரதேசத்தில் தங்குமிடம் பெறுவதற்காக வீதியில் நின்று கொண்டிருக்கும் போது குறித்த பாதையில் பயணித்த 38 வயதுடைய மீனவர் ஒருவர் குறித்த இங்கிலாந்து யுவதியை வலுக்கட்டாயமாக கட்டிப்பிடித்து  முத்தம் கொடுத்துள்ளார்.

அத்துடன் இங்கிலாந்து நாட்டை சேர்ந்த குறித்த யுவதி முத்தமிட்ட மீனவரின் கையடக்கத்தொலைபேசியினை கைப்பற்றி கிரிந்த காவல்துறையினரிடம் ஒப்படைத்து முறைப்பாடு செய்துள்ளார்.

மேலும் கைப்பற்றப்பட்ட கையடக்கத்தொலைபேசியினை பரிசோதித்த கிரிந்த காவல்துறையினர் குறித்த நபர் மாகம பகுதியை சேர்ந்தவர் என்றும் சந்தேக நபர் 38 வயதுடைய மீன் பிடி தொழில் செய்பவர் எனும் தகவல்களுக்கு அமைய குறித்த மீனவர் கிரிந்த காவல்துறையினரால் கைதுசெய்யப்பட்டுள்ளார்