நேற்று சனிக்கிழமை ஜப்பானில் ஜெட்ஸ்டார் விமானம் அவசரமாக தரையிறக்கப்பட்டதாக அந்நாட்டு உள்ளூர் ஊடகங்கள் செய்தி வெளியிட்டுள்ளன.
வெடிகுண்டு மிரட்டல் காரணமாகவே விமானம் அவசரமாக தரையிறக்கப்பட்டதாக தெரிவிக்கப்படுகிறது.
நரிடா விமான நிலையத்திற்கு ஜப்பான் நேரப்படி காலை 6:20 மணிக்கு ஜேர்மனியில் உள்ள ஒருவரிடமிருந்து அழைப்பு வந்ததாகவும், தான் விமானத்தில் வெடிகுண்டு வைத்ததாக அவர் கூறியதாகவும் காவல்துறை வட்டாரங்களை மேற்கோள் காட்டி என் எச் கே செய்தி வெளியிட்டுள்ளது.
குறித்த விமானத்தில் பயணிக்க 136 பயணிகள் மற்றும் 6 பணியாளர்கள் இருந்துள்ளனர்.
தரையிறங்கிய விமானத்தை விட்டு வெளியேறும் போது குறைந்தபட்சம் ஐந்து பேர் காயமடைந்துள்ளதாக என் எச் கே ஒலிபரப்புக் கூட்டுத்தாபனம் செய்தி வெளியிட்டுள்ளது.
இதேவேளை விமானத்தில் வெடிபொருட்கள் எதுவும் கண்டுபிடிக்கப்படவில்லை என்றும் என் எச் கே தெரிவித்துள்ளது.
