வங்கியிலிருந்து நாளையோ அல்லது நாளை மறுதினமோ பணத்தை பெறலாமென மக்களுக்கு அறிவிப்பு

அஸ்வெசும நலன்புரி கொடுப்பனவு இன்று முதல் வழங்கப்படவுள்ளதுடன், 8 இலட்சம் குடும்பங்களுக்கு இன்று முதற்கட்டமாக அந்த கொடுப்பனவுகள் வழங்கப்படவுள்ளதாக நிதி இராஜாங்க அமைச்சர் செஹான் சேமசிங்க தெரிவித்துள்ளார். கொடுப்பனவை பெற்றுக் கொள்வதற்காக இனங்காணப்பட்டுள்ள 15 இலட்சம் குடும்பங்களில் 8 இலட்சம் குடும்பங்களுக்கு இன்று கொடுப்பனவு வழங்கப்படுகிறதாகவும் அவர் சுட்டிக்காட்டியுள்ளார். மேலும், அவர்களுக்கான கொடுப்பனவு வங்கியில் வைப்பிலிடப்படும் என்றும், எனவே நாளையோ அல்லது நாளை மறுதினமோ பயனாளிகள் அதனைப் பெற்றுக் கொள்ள முடியுமென்றும் இராஜாங்க அமைச்சர் அறிவித்துள்ளார்.