நிகழவிருக்கும் செவ்வாய் பெயர்ச்சி-நன்மைகளை பெறும் 5 ராசிகள்!

நவகிரகங்களில் தளபதி, அங்காரகன் என அழைக்கப்படுபவர் செவ்வாய் பகவான். இவர் ஒருவருக்கு வலிமை, ஆற்றல், வேகம், போர் குணம் ஆகியவற்றை அளிப்பவர். இவரின் நீச ஸ்தானமான கடக ராசிக்கு செவ்வாய் பெயர்ச்சி ஆகிறார். இந்நிலையில் செவ்வாய் பகவான் மே 10ம் திகதி மிதுன ராசியிலிருந்து கடக ராசிக்கு பெயர்ச்சி ஆக உள்ளார். செவ்வாயின் இந்த ராசி மாற்றத்தால் மேஷம் உள்ளிட்ட 5 ராசிக்காரர்களுக்கு நன்மையும், சுப பலனும் உண்டாகும்.

செவ்வாய் பெயர்ச்சி பொது பலன்

கடக ராசிக்கு பெயர்ச்சி ஆகிறார் செவ்வாய். நெருப்பின் அடையாளமாக பார்க்கப்படுவது செவ்வாய் பகவான். இவர் நீர் ராசியான கடக ராசியில் நீச நிலையை அடைய உள்ளார். சந்திரனை அதிபதியாக கொண்ட கடகத்தில் செவ்வாய் செல்லும் போது கால நிலையில் நிறைய மாற்றம் ஏற்படும். நாட்டின் பல பகுதிகளில் மழை பெய்யும். செவ்வாய் – சனி அமர்ந்திருப்பதிடையே ஆறுக்கு எட்டு எனும் ஷடாஷ்டக யோகம் உருவாகிறது. மேலும் செவ்வாய் அமைந்திருக்கும் இடத்திலிருந்து 10ம் வீட்டில் குரு, சூரியன் புதன், ராகு என 4 கிரகங்களின் சேர்க்கை நிகழ்கிறது.

செவ்வாய் தரும் நன்மையும் சுப பலன்களும்

மேஷ ராசி

மேஷ ராசியில் 4 கிரகங்களின் சேர்க்கையும், அதன் அதிபதியான செவ்வாய் கடகத்தில் சஞ்சரிக்கக்கூடிய காலம் பல வகையில் சிறப்பான பலனைத் தரக்கூடியதாக இருக்கும். திருமண வாழ்க்கையில் இருந்த மன கசப்புகள் நீங்கும். வருமானம் அதிகரிக்கும். உங்களின் கவனம் அதிகரிக்கும். சிறப்பான நிதி நிலை மேம்பாட்டால், உங்களால் பணத்தை சேமிக்க முடியும். இந்த நேரத்தில் பணியிடத்தில் உங்கள் செயல்திறன் மேம்படும். பெற்றோரின் ஆரோக்கியத்தில் சிறப்பு கவனம் செலுத்துங்கள். உடல்நலம் தொடர்பான சில பிரச்சனைகளை சந்திக்க நேரிடும். வாகனம் வாங்கும் சுப யோகம் உண்டு.செவ்வாயின் சுப பலன்களால் உங்கள் விருப்பம் நிறைவேறும். தனிப்பட்ட மற்றும் தொழில் வாழ்க்கையில் வேகத்தைக் கடைப்பிடிப்பது நல்லது.

சிம்ம ராசி

கடக ராசிக்கு விரய ஸ்தானமான 12ல் செவ்வாயின் சஞ்சாரம் நிகழ்வால் உங்களின் நிறைவேறாத ஆசைகள் நிறைவேறும்.படிப்பு, வேலை, தொழில் விஷயமாக நீண்ட காலமாக வெளியூர், வெளிநாடு முயற்சி செய்பவர்களுக்கு சாதகமான காலமாக இருக்கும். திருமண உறவில் கோபத்தைக் கட்டுப்படுத்தினால் நல் ஆதரவும், அன்பும் பெருகும். இல்லையெனில் வாழ்க்கைத் துணையுடன் தகராறு அதிகரிக்க வாய்ப்புள்ளது. நீதிமன்ற வழக்குகளில் சாதக பலன் கிடைக்க வாய்ப்புள்ளது. வேலை சார்ந்த விஷயங்களுக்காக நிரைய பயணம் மேற்கொள்ள வேண்டியது இருக்கும். இருப்பினும் நல்ல வெற்றியால் மன அழுத்தம் குறையும்.

கன்னி ராசி

லாப ஸ்தானத்தில் செவ்வாய் சஞ்சரிப்பதால் கன்னி ராசிக்காரர்களுக்கு சுப பலன்களை அள்ளித் தரப்போகிறது. உங்களின் பொருளாதார பிரச்சனைகள் வெகுவாக குறையும். திருமண வாழ்க்கையில் சில பிரச்சனைகள் சந்திக்க வேண்டியது இருக்கும். ஆனால் உங்கள் புரிதலுடன் எல்லாம் சரியாகிவிடும். காதல் உறவு வலுவடையும் மற்றும் துணையுடன் நெருக்கம் அதிகரிக்கும். பொருளாதார விஷயங்களில் சிறந்த பலனை அடைவீர்கள். வேலை மற்றும் வியாபாரத்தில் சில நல்ல வாய்ப்புகளைப் பெறலாம். பொருளாதாரத் திட்டங்கள் வெற்றியடைவதோடு, செலவுகளைக் குறைப்பதன் மூலம் ஓரளவு பணத்தைச் சேமிக்க முடியும்.

துலாம் ராசி

தொழில் ஸ்தானத்தில் உங்களுக்கு வலிமையைத் தரக்கூடிய செவ்வாய் பகவான் சஞ்சரிப்பது உங்கள் துறையில் நல்ல முன்னேற்ற வாய்ப்புகளைத் தரும். உங்கள் வேலையை மேலதிகாரிகளும், மற்றவர்களும் பாராட்டுவர். குடும்பம், பணியிடத்தில் என யாருடனும் ஈகோ மோதலைத் தவிர்க்கவும். இல்லையெனில் உங்களுக்கு தான் இழப்பு அதிகம். எந்த விதமான சர்ச்சையான விஷயங்களையும் தவிர்க்கவும். உத்தியோகத்தில் பதவி உயர்வு, புதிய உரிமைகள் கிடைக்கும். மாணவர்களுக்கு பயனுள்ள காலமாக இருக்கும். போட்டித் தேர்வுகளில் வெற்றி பெறுவார்கள்.

கும்ப ராசி

கடகத்தில் செவ்வாய் சஞ்சரிப்பது கும்ப ராசிக்காரர்களுக்கு எல்லா வகையிலும் சாதகமாக கருதப்படுகிறது. உங்கள் எதிரிகள் சிறப்பாக சமாளித்து வெற்றி அடையலாம். உங்கள் புரிதல் சிறப்பாக இருக்கும் என்பதால் எந்த வேலையும் சிறப்பாக நிறைவேற்ற முடியும். பணியிடத்தில் உங்கள் செயல்திறன் சிறப்பாக இருக்கும். தடைகள் நீங்கும். வேலைகள் சிறப்பாக செய்து பாராட்டு வாங்குவீர்கள். செலவுகள் அதிகரிக்கும், இருப்பினும் சிறப்பான நிதி நிலைமை காரணமாக, எதையும் சமாளிக்க முடியும். தவறான சகவாசத்தைத் தவிர்த்து, கடின உழைப்புடன் உங்கள் வேலையைச் செய்வது நல்லது.