நடிகர் வடிவேலுவின் தாயார் மரணம்!

முன்னணி நகைச்சுவை நடிகராக வலம் வந்த வடிவேலு சில காரணங்களால் சினிமாவை விட்டு விலகி இருந்தார். நீண்ட இடைவேளைக்கு பிறகு சுராஜ் இயக்கத்தில் நாய் சேகர் ரிட்டன்ஸ் படத்தில் நடித்து அனைவரையும் கவர்ந்திருந்தார் வடிவேலு.

பெரும் எதிர்பார்ப்பில் உருவாகி வெளியான நாய் சேகர் ரிட்டன்ஸ் கலவையான விமர்சனங்களை பெற்றிருந்தது.

இந்நிலையில் வடிவேலுவின் தாயார் சரோஜினி (எ) பாப்பா நேற்று இரவு உடல்நலக்குறைவால் காலமானார் இவர் மதுரை விரகனூரில் வசித்து வந்திருந்தார்.

87 வயதாகும் இவர் வயது மூப்பு காரணமாக உயிரிழந்துள்ளதாக கூறப்படுகிறது. அவரது மறைவுக்கு திரையுலகினரும், ரசிகர்கள் பலரும் இரங்கல் தெரிவித்து வருகின்றனர்.